Ｈ＆Ｍ

前兩日終於去咗Ｈ＆Ｍ行街，真係好多人．．．睇得啱嘅衫其實唔係咁多（但係我夾埋都買咗千幾蚊！）有Ｄ衫又唔係諗到咁平．．．ＯＫ啦～　諗返起以前係英國，都係成日行Ｈ＆Ｍ，因為Ｄ衫又平，又大件，買童裝都好啱身，而且仲任試，一次過試１０件都冇人話你！香港嗰間．．．衫係好多，不過唔係件件都睇得上眼，想買ａｃｃｅｓｓｏｒｉｅｓ，又唔係好靚．．．唯一最好就係有３０日嘅ｒｅｆｕｎｄ & ｒｅｔｕｒｎ時限，只要件衫未剪牌就得。
等遲Ｄ睇吓有冇多Ｄ新貨返先再去過 *v*

峰迴路轉．．．

感謝主，祢真是聽禱告的主，知道我唔可以無端端冇咗份工，又擔心之後的生活，宜家我唔需要有多餘嘅憂慮，因為我知道凡求告甚麼，主必定有自己的計劃，叫到我們不致缺乏；另外，我又再一次知道：不要為明天憂慮．因為明天自有明天的憂慮．一天的難處一天當就夠了。
之前已經奇怪，點解咁耐都冇ＩＴ同事收走我老細部電腦！！佢呢Ｄ咁大粒嘅，應該一早就唔比佢睇email並要isolate佢．．．前幾日又有同事話我知佢唔走，留返係公司．．．今日迷底終於揭開啦：我老細同我講佢唔走嘞！（真係比佢玩死 "o"）等我仲諗住今日攞封reference letter入去比佢簽？！不過都好，佢唔走，我唔洗適應過另一個老細，我可以做耐Ｄ攞多Ｄ經驗先再作打算．．．
感謝主，我必將一切都交托比祢，依照祢的腳步去行，祢定必有所帶領。

又病啦．．．

都唔知點解成日都病，又係感冒．．．
今次係比同學仔傳染嘅，好彩尋日cancel咗一堂，唔洗返學，如果唔係都唔知幾時先得閒去睇醫生．．．
去仁安睇醫生真係幾好，貴係貴Ｄ，佢Ｄ藥好勁，尋晚食咗一餐好咗好多，而且又唔洗複診；但係就搞到我好暈，好散．．．

終於上咗山頂啦！

星期六晚終於上咗山頂食飯，約埋以前喺山頂做Part Time嘅同事，去咗Bubba Gump，ＯＫ好食ＯＫ貴。宜家凌霄閣嘅頂層開放咗好多，以前好多唔比去嘅地方都可以去到，上面多咗好多地方睇風景，餐廳多咗，地方大咗，靚咗。
諗返都有大約３，４年冇上山頂啦，Peak Tower變咗好多，同Ｄ朋友講返以前喺度做嘢時候嘅好玩嘢，動感影院冇咗，Ripley's冇咗，龍的傳說都冇埋，連中間嘅information counter 都唔見咗！講返以前去Locker房嗰條白色嘅路，洗衫房嘅阿姐，以前Ｄ鬼怪嘢．．．冇變嘅就係對面間白屋仔同埋Ｄ纜車司機 ^v^
好開心，估唔到我地呢班過氣嘅山頂Part Time同事可以keep到咁耐friendship一齊去返山頂睇吓玩吓！！

壞消息．．．

Easter假期好快就過咗啦，有一個好好嘅休息。
今日一返工，就比老細捉咗去傾偈．．．佢問我有咩打算？問我有冇其他prefer嘅部門想去？佢可以喺佢走之前幫我搞，但係我心想係冇嘅，我自己覺得做宜家呢個位都幾好，做analyse嘅嘢都幾啱我，但點知佢話公司嘅大走勢係會將呢個部門摺埋．．．咁我即係冇工做？！我即刻好擔心．．．雖然暫時係冇經濟嘅壓力，但我係一個好需要安全感嘅人，宜家份工危危乎，好唔鍾意呢種感覺。我做過咁多份工都唔洗擔心嘅，估唔到呢份工做唔夠一年就有咁大嘅轉變．．．
求主帶領，我唔想突然之間冇工做．．．好擔心．．．　

一個好假期去減肥

發現自己實在肥咗好多好多，以前Ｄ褲都差唔多唔啱著啦．．．一定要下定決心喺嚟緊嘅假期實行減肥餐。啱啱喺網上面揾到一個都幾好嘅，佢話７日就可減Max. １７磅（咁勁？）而且睇嚟個餐單都唔係太難跟，成個假期都唔洗點出街，好Ｄ！！
第一日－只管食用基礎燃酯湯與水果，除香蕉以外你可食用任何水果。特別建議食用西洋蜜瓜與西瓜因其之含熱【卡路里】遠低於其他水果，謹記只得飲用清水，無糖茶水，黑咖啡，無糖果汁。
第二日－今天是蔬菜日食用基礎燃酯湯與新鮮蔬菜以裹腹，食用生菜，或蒸或燉煮湯中蔬菜不得以油酯或牛油炒作。試食綠業蔬菜禁食豆類及玉米；晚餐之時可以自我獎賞烤大馬鈴薯可以添加一些橄欖油或牛油，今天不得食用水果。
第三日－今天是第一、二日之整合日食用基礎燃酯湯、蔬菜與水果，除香蕉以外你可食用任何水果。不得食用馬鈴薯。
第四日－食用基礎燃酯湯與香蕉，飲用脫酯奶水清水，可以食用不超過三個香蕉，飲用不超過兩杯八安士之脫酯奶水，儘量飲用清水與基礎燃酯湯。香蕉含熱【卡路里】高，清水含鈣，此日身體需要醣、鈣、鉀、蛋白質以補充減肥之不足。
第五日－今天是牛排與蕃茄日，可以食用十至二十安士之牛排，【白煮或烤熟之雞肉或魚代替但不得食用雞皮】與二十八安士之蕃茄罐頭或六個新鮮蕃茄。試飲至少六至八杯之清水，以清除身體中之尿酸，並食用基礎燃酯湯。
第六日－現在是牛排與蔬菜日，今日可以儘量食用牛排與蔬菜，甚至可以食用二三塊牛排，無限綠葉蔬菜。但不得食用馬鈴薯。至少食用一次基礎燃酯湯。
第七日－今日可以食用糙米飯、無糖果汁與蔬菜。至少食用一次基礎燃酯湯。
基礎燃酯湯－6 x 大洋蔥 ，2 x 綠青椒 ，1 x 一把綠芹菜 ，
1 x 28-OUNCE CAN 蕃茄 ，1 x 包心菜，1 x 混合湯
睇落好似唔係太難，可以一試！！