終於上咗山頂啦！

星期六晚終於上咗山頂食飯，約埋以前喺山頂做Part Time嘅同事，去咗Bubba Gump，ＯＫ好食ＯＫ貴。宜家凌霄閣嘅頂層開放咗好多，以前好多唔比去嘅地方都可以去到，上面多咗好多地方睇風景，餐廳多咗，地方大咗，靚咗。
諗返都有大約３，４年冇上山頂啦，Peak Tower變咗好多，同Ｄ朋友講返以前喺度做嘢時候嘅好玩嘢，動感影院冇咗，Ripley's冇咗，龍的傳說都冇埋，連中間嘅information counter 都唔見咗！講返以前去Locker房嗰條白色嘅路，洗衫房嘅阿姐，以前Ｄ鬼怪嘢．．．冇變嘅就係對面間白屋仔同埋Ｄ纜車司機 ^v^
好開心，估唔到我地呢班過氣嘅山頂Part Time同事可以keep到咁耐friendship一齊去返山頂睇吓玩吓！！