點做韓星fans？

尋日睇到有一個msn嘅旅行介紹，韓國樂天世界（Lotte World）踏入二十周年，其中一大慶祝項目就係開咗一條星光大道（Star Avenue）。

吸引我注意就係第一段佢講到：
"成為韓星 Fans 三部曲應是如此：唔覺意因某韓劇對某明星產生好感，然後凡係該星演出的劇集必煲至少三次；進階版是明明韓字唔識多隻，對鍾愛韓星的歌曲卻琅琅上口；病入膏肓則索性到韓國作實景朝聖。"

Wow．．．
原來個個都係咁咖！唔單止我係咁，凡想做韓星fans都要經過呢3個步驟．．．同事話我好彩仲未去到病入膏肓．．．哈哈！

＊　＊　＊

最衰呢個星光大道未有SS501，otherwise我都想去睇吓！

12月先開Concert？！

唔該哂Carmen得到小道消息：SS501 12月先嚟香港開演唱會！
不過細節仲傾緊．．．
我唔想佢地係九展開，反而想係博覽館開，又大d，又企理d！
不過估唔到成12月先開啫．．．仲估佢地去完TW即刻嚟香港開添！！
又要等耐d loooo！！

告一段落。。。

金賢重許永生香港把妹一事已告一段落，其經理人公司方面稱：「他們在香港休假，只是與8名小學同學在一起。賢重只是和朋友們在一起休閑，出現莫名其妙的報道讓人感到荒唐。」
＊　＊　＊
自己對呢段報導無乜感覺。
＊　＊　＊
反而今日上百度網有金賢重嘅triples居然在８月１９日係香港機場見到佢出境！
嘩！唔通 d triples 真係守住個機場等佢出現？！
勁！！

智厚前輩

我幫Carmen dup哂韓版花樣+SS501歌+金賢重靚相！

佢買咗OST，比咗d postcard我！

Yeah!!!

＜＜智厚前輩＞＞

蘋果d狗仔隊真勁！

Link 1:
<秘密來港游蘭桂坊　金賢重拖女夜蒲>

Link 2:
呢個triples website 仲勁！
有埋韓國一手資料！！再睇埋triples嘅留言...　嘩！！瘋狂triples！！

＊　＊　＊

我對於呢篇報導嘅感覺：
冇咩特別感覺，咁酒井法子都吸毒啦...
只係知道韓國d經理人公司出咗名係奴隸公司，佢地辛苦咗咁多年，就只係呢件事就可以搞到佢地身敗名裂...　唉...！！

澳門充完電回來．．．

自從澳門開放賭權之後都未去過，即係話我一間賭場都未入過啦！！

今次大鄉理出成，同山頂朋友一齊去玩兩日一夜，總括嚟講都幾好玩嘅！

* * *

第一日搭金光飛航落船就去威尼斯人行街，居然一去到就喺Venila Suite同Carmen Sit每人買咗一對減價皮鞋^o^ 好笑！之後周圍行，有可能仲早（大約10點幾），好少人，可以周圍映相。我當然唔放過係花樣男子拍攝過嘅場景啦！不過我只係認得具俊表同絲草講 "烏點" 嘅橋，其他嘅都係差唔多。第一次去威尼斯人，感覺都幾好，周圍d佈置都整得幾靚，幾細緻，下次等weekdays人少d得閒再去過！

* * *

我地今次住一間開咗大約一年嘅16蒲，間房都幾靚，但係個operation就差d，有待改進。因為我地12點幾去到，居然話3點先有得check-in，咁我地迷唯有周圍行啦，到大約3點返去，又話我地同朋友間房唔可以同一層．．．嘩！唔係呀？！我同Carmen Sit即刻鼓譟，企喺front desk面前講呢間酒店嘅operation唔得，雖然front desk好有禮貌，但係個house-keeping, Sales & Operation department根本未協調到，搞到好多住客都要等好耐先有房．如果有意見書，我同Carmen Sit一定狂寫！！之後我地去咗一間好出名食蝦子面嘅舖頭食晏，3個女仔叫到一枱都係嘢食，隔離枱見到我地都有ｄ古怪>.<

* * *

我地又行去大三巴，買手信．．．不過當時已經好多人，行大三巴條街時好似入咗花市一樣，迫嚟迫去．．．下午去咗觀光塔，去食葡撻，之後去咗一間都幾地道嘅餐廳食葡國菜，OK啦。

夜晚就係去澳門必定嘅環節－－賭場！我地一行人去咗 MGM ＆ Wynn，好靚！不過我自己就覺得永利個環境感覺舒服d，佢地亦都喺永利贏咗錢！我自己就冇賭，今次好堅持！以前我都有玩吓，但今次真係堅持得好厲害！覺得自己好勁 ^v^

因為實在太攰嘅關係，返到酒店沖完涼，好早就瞓覺。

* * *

第二日一早起身同 Carmen 去咗義順食早餐，不過好難食．．．之後諗住人少d再去大三巴映相，點知，都係人山人海！！！食晏去咗路環一間餐廳食，即係＜遊龍戲鳳＞劉德華向舒琪求婚嘅地方。本來想去法蘭度，但係要排兩個鐘頭隊，即走！離遠見到一排排白屋仔，就知道嗰度係智厚前輩揹絲草返朋友家嘅地方，下次去映吓相先！

之後我地去咗新開冇耐嘅新濠天地行，OMG！係冇嘢行嘅，而且咁大個商場，得一個厠所，所有人都要迫埋一個用，要等好耐 >_<

之後就不如去返威尼斯人行街啦．．．起碼行得舒服d同埋多d嘢行！

* * *

好完滿嘅旅程！雖然中間有d不足．．．
不過我都想再去，下次同老公 weekdays 去住威尼斯人先！！

我個韓風病又傳染多一個人啦！

酒井法子終於都自首啦．．．今日yahoo講："酒井指丈夫誘吸毒 默許婚外情換毒品供應"，做日本女人真係慘．．．

＊＊＊＊＊

哈哈，我嘅感染力咁強嘅？？
自從我晚晚迷失於花樣同金賢重之後，就同身邊無論同事，朋友都不定咁講！有一位女同事已經被我感染睇完花樣；Carmen又被我感染啦！！哈哈哈！我一OT就係公司播韓文歌（主要都係SS501嘅歌），我有一位女同事話佢咁大個女都未試過比咁多韓文歌圍攻咖！！Hee hee．．．

呢一兩日同Carmen chat，講咗好多有關花樣同金賢重嘅，都幾funny，有唔同嘅見地！！
再落多ｄ藥比Carmen，叫佢睇埋<我們結婚了>同<謝謝你叫醒我>，佢一定明白點解我咁鍾意金賢重！！Hohohohohoooo

酒井法子去咗邊？

酒井法子已死的新聞近來真的傳得好勁．心配でしね．．．

佢係一位陪著我長大的日本女明星，讀書時睇嘅同一屋簷下，星之金幣，到近期見到佢做小丸子個媽媽，個樣都係冇乜點變．．．做ＡＮＡ時有幸睇到佢嚟香港開嘅演唱會，好好睇，簡直係一個會郁嘅公仔係台上面表演！好明白點解日本ｄ漫畫咁靚，就因為日本嘅藝人都係咁靚，照住嚟畫就得嘞。

佢失蹤了的新聞日日都有追住睇，好想日本方面快ｄ揾返佢，唔洗大家都咁擔心。

好想睇ＳＳ５０１香港演唱會！

近來真係忙都癲，老細又要我地兩個analysts揾一d世界上冇嘅嘢...之唔係2010年嘅forecast囉。。。
＞＿＜

不過忙還忙，發現自己已經病入膏肓，我居然可以迷金賢重去到呢個地步，連google.com嘅newsfeed我都有獨立一個佢嘅column，死未！！

佢地10月會嚟香港開演唱會，唔知會係邊度開呢？！唔知點買飛呢？！各位朋友仔，如果你地知道就話我知啦！！Hee hee！！