手起刀落

我宜家公司個大老細出哂名手起刀落，炒人從來都唔手軟。經過佢上星期去上海見過上海ｄ同事之後，佢就下令中老細同我地講如果我地仲唔做好ｄ，佢唔擔保唔會換人．．．經過尋日嗰個咁嚴肅嘅會，我地個個同事都人心惶惶。
我宜家都上網揾緊一ｄ中文課程，因為同上海人/大陸人爭，除咗英文叫做平起平坐（其實佢地好過我地，因為佢地個個喺英國留學），中文同佢地比一定死緊．．．而且香港人一向都唔識玩手段，又冇大陸人咁恨，我地再唔做好ｄ就一定死緊，唯有係多方面增值．．．
宜家都已經多嘢做到死，之後仲話一定有增冇減。雖然係呢個時勢，多嘢做係好，但係都要manage到，如果唔係樣樣都做得唔好時，老細要幫我地拾手尾仲死．．．以後都係要帶多ｄ嘢返屋企做喇．．．