工作日記

好耐都冇寫BLOG囉，因為新工實在用好多精神對住部電腦。（不過有時返屋企都成日對住部電腦打機...）今日第二次返大陸睇廠，其實都幾好玩，又學識好多嘢，好似今日我地去一間好出名好大嘅紙箱廠，去行佢地嘅production lines，點樣做紙箱，點樣印刷，咩叫柯式印刷，都多咗Ｄ了解，不過睇完返公司就要做visit report，又要整理吓Ｄ相。
平時聽聽埋埋好多人都話大陸夜晚有好多人被車車倒都唔好理，今日日光日白都有同樣嘅事情發生，當架廠車車我地返羅湖嘅時候，中途就見到有一個人（or屍）瞓咗係馬路中間，個司機話佢已經死咗，條馬路所有車都掂行掂過，唔理... 真係未見過都唔信...