2007同老細做節！

今個做節都算係最豪一次啦，老細帶咗我同未來同事去熊貓酒店閣樓Balcony食半自助餐，自助頭盤同甜品，Main course我就叫咗三文魚。一個人都要成二百幾蚊咖．．．不過聽講佢前日中咗萬幾蚊馬．．．算啦，以我老細嘅性格，好好咖啦．．．@_@
估唔到咁好食，ｄ生蠔，沙律好新鮮，甜品細細份都幾好；個三文魚更加煎到外熟內生，但係裡面係熱咖喎．．．總之好好食 ^v^
而且我仲有聖誕禮物－－－就係Evergreen送比佢嘅禮物嘅其中一包Chocolate (as in picture)。係有Blueberries & Cherries喺裡面的，我一睇就覺得呢包嘢好似Harry Potter嘅道具，未食，唔知咩味，我諗住share同同事一齊食．．．Wahahahahahah...
今年聖誕都幾好，２４＆３１號我都會放假，連續分別有５日同４日假期，可以好好休息吓。好快又下一年啦．．．記得上一年都有寫 Blog，定下的目標都唔係個個做得到，係時候要諗吓下一年嘅目標嘞．．．！！