2007年就快過去啦...

今年的聖誕節過得好平安，雖然平安夜＋聖誕節嘅祟拜都冇返．．．一切都安安靜靜的渡過。

24號請咗一日假，好忙，又一次香港一日遊：首先去TST做Body Message，之後去灣仔攞Dental receipts，再過返九龍DHL新office at Megabox攞月曆。之後入沙田買嘢食返屋企煮。今次我試煮三文魚，好好味，好成功，雖然阿豹都係話唔夠味...　甜品就係喺M&S買我最鍾意食嘅Christmas Pudding，今次呢個仲要係新出嘅全chocolate！食完真係飽哂，Yummy！！

25號夜晚去Carmen屋企大食會，好熱鬧，因為有3隻狗：Carmen嘅比熊犬小吉，使立沙安安同埋Ophe隻歌基Tobby。3隻狗係屋企周圍走，最搞笑就係安安唔識行樓梯，Ophe & Carmen推佢落樓梯時，安安根本就係用佢個 "肚"同 "下爬" "look"落去，見到真係好好笑^~^

因為好攰好攰嘅關係，26號瞓到差唔多兩點先起身，搞吓搞吓都夠鐘去睇劉德華Concert。買 "Yellow Bull" ticket的確幾好，雖然200蚊飛，但好近，好抵睇。劉華Concert係一如嘅往嘅好好睇，今次有好多幕，每一幕都有唔同主題，睇完之後好次miss咗好多細節，好想再睇多次。不過，唯一不足就係佢大部份時間都向住綠色藍色位置，我知綠色嘅control panel係正面，但係都唔洗差唔多4/5嘅時間都望住嗰邊，有Ｄ美中不足... 身邊ｄ觀眾都有ｄ鼓譟...

阿豹映咗差唔多500張相，cut淨百幾張，想睇就入去我 photo album 啦！

2007同老細做節！

今個做節都算係最豪一次啦，老細帶咗我同未來同事去熊貓酒店閣樓Balcony食半自助餐，自助頭盤同甜品，Main course我就叫咗三文魚。一個人都要成二百幾蚊咖．．．不過聽講佢前日中咗萬幾蚊馬．．．算啦，以我老細嘅性格，好好咖啦．．．@_@
估唔到咁好食，ｄ生蠔，沙律好新鮮，甜品細細份都幾好；個三文魚更加煎到外熟內生，但係裡面係熱咖喎．．．總之好好食 ^v^
而且我仲有聖誕禮物－－－就係Evergreen送比佢嘅禮物嘅其中一包Chocolate (as in picture)。係有Blueberries & Cherries喺裡面的，我一睇就覺得呢包嘢好似Harry Potter嘅道具，未食，唔知咩味，我諗住share同同事一齊食．．．Wahahahahahah...
今年聖誕都幾好，２４＆３１號我都會放假，連續分別有５日同４日假期，可以好好休息吓。好快又下一年啦．．．記得上一年都有寫 Blog，定下的目標都唔係個個做得到，係時候要諗吓下一年嘅目標嘞．．．！！

又搬位

又搬位．．．兩個月搬一次位，好煩。Pack & Unpack，好大塵．．．幾個老細 d cubicles 變大並加高透明板之後．．．公司多咗好幾十個金魚缸．．．同事話可以喺公司玩war game，我就話公司越嚟越似迷宮，淨係揾人都有排揾！