８號風球

今日下午兩點幾，天文台終於掛８號風球，個風好勁，明明走咗，突然Ｕ turn返轉頭，直衝香港，咁我地就可以早Ｄ收工^o^（但係科哂Ｄ嘢返屋企做）之後當然係用咗成個幾鐘先返到屋企... 行到巴士站～打蛇餅，小巴站～打蛇餅，咁我就等一架去沙田嘅小巴，再轉的士返屋企。等吓等，有一架 "kam" 旗的士走埋嚟，話要加廿蚊，而且仲話 "出面冇的士咖啦，係我地走出嚟搏 jah" 我心諗佢都傻嘅，你唔係睇唔到呀，出面咁多的士，你加廿蚊我真係唔搭你，比咗後面嘅一家大細上車。之後唔洗兩分鐘就有的士嘞，佢係咪傻仔丫，我已經記低佢個車牌，見到都唔搭佢！
夜晚我地又去咗MegaBox睇戲～導火線，全套戲都係打打打打打又好殘忍... 唔係陪老公我自己一個一定唔睇，下次叫佢陪我去IMAX睇４Ｄ Harry Porter先！！
睇完返屋企時已經變返３號風球，Oh...