話咁快就過咗人生嘅1/3，究竟我將來嘅路應該點行呢？
回想返自己咁多年，好風平浪靜咁過，出生於一個唔差嘅家庭，讀書中中庭庭，嫁咗比一個唔差嘅老公，到宜家有咁嘅生活實在好感謝主。
31/8，要返工，夜晚阿爸請我阿媽老公婆婆阿公去大亞食日本嘢；星期四晚Goldie請我去とん吉食吉列豬排定食，好好食 ^~^；星期六教堂朋友請我去大角咀食大排檔。多謝哂！
人大咗，睇透了身邊嘅人和事，而好多嘅嘢都睇清楚咗。覺得以前自己嘅想法太天真啦，人不可以賣相，有好多人都被自己一些好細微嘅行為動作將自己一直build-up嘅形象破壞咗。我諗，咁當初為何他們唔可以真Ｄ呢？幸好我一直都以真我視人，無論別人鍾唔鍾意，我都係我‧‧‧哈哈，唔洗煩！
今日睇東方，Poodle狗居然可以細到好似茶杯咁細隻，好得意，好想養返隻．．．不過我屋苑唔比養狗．．．
大家入呢個網站睇吓啦！！
http://www.web2go.net/teacup
考完試３個星期，浸會終於出咗成績，結果係比意料中好，有一科好有信心嘅攞Ｂ，冇乜信心嘅又係攞Ｂ，居然中中庭庭嘅有Ａ，but anyway，都好過上一個Term少少．．．
1st term + 2nd term都過唒CEF嘅８成，可以applyCEF，攞返一皮嘢洗吓先！！^~^
一年一度嘅美食博覽又到啦，已經有好多年冇去，今晚好趕好趕咁去咗。去之前睇到雜誌日清有一個福袋，只係７０蚊裡面有成百幾蚊產品；另外有整粒嘅士多啤梨sorbet。
去到，雖然有好多好多人又要兜嚟兜去舊翼買飛再行去新翼，但係想買嘅嘢全部買哂，而且仲買多咗好多嘢，滿載而歸！你地見到張相已經知啦，有蜂皇槳Choya梅酒，壽桃牌嘅Combo，無花果乾，Nougat糖，日本零食福袋，仲有脆魚皮！ 宜家屋企Ｄ麵夠我地兩個食一年，打風都唔洗驚！
尋日成個人都好冇mood，所以６點即刻收工去行街買嘢。
之前，一直都想買一條Skinny jean做Casual Friday嘅襯褲，試極都唔啱，尋晚終於比我買到嘞！試咗一個再一個碼，真係懷疑自己係咪肥咗咁多，我係從未擁有過一條褲係到呢個碼，我阿媽都唔係呢個碼喎，心知不妙 @_@，雖然著上身之後好似比想像中瘦，但係都未至於呢個碼丫？！究竟係呢間外國品牌Ｄ size細咗抑或我真係要節制吓？！之後睇吓睇吓，又買多件冬天衫，買完嘢心情的確好咗。Hee Hee，好大洗 ^-^
今日下午兩點幾，天文台終於掛８號風球，個風好勁，明明走咗，突然Ｕ turn返轉頭，直衝香港，咁我地就可以早Ｄ收工^o^（但係科哂Ｄ嘢返屋企做）之後當然係用咗成個幾鐘先返到屋企... 行到巴士站～打蛇餅，小巴站～打蛇餅，咁我就等一架去沙田嘅小巴，再轉的士返屋企。等吓等，有一架 "kam" 旗的士走埋嚟，話要加廿蚊，而且仲話 "出面冇的士咖啦，係我地走出嚟搏 jah" 我心諗佢都傻嘅，你唔係睇唔到呀，出面咁多的士，你加廿蚊我真係唔搭你，比咗後面嘅一家大細上車。之後唔洗兩分鐘就有的士嘞，佢係咪傻仔丫，我已經記低佢個車牌，見到都唔搭佢！
夜晚我地又去咗MegaBox睇戲～導火線，全套戲都係打打打打打又好殘忍... 唔係陪老公我自己一個一定唔睇，下次叫佢陪我去IMAX睇４Ｄ Harry Porter先！！
睇完返屋企時已經變返３號風球，Oh...
今日放假又係洗錢嘅日子！去新城市買咗ipod，又買去osim買咗uSqueeze^v^，大出血！其實之前iSqueeze已經想買，不過好似太大部就放棄咗，今次呢部uSqueeze好似細Ｄ，而且我又試過好幾次，咁就決定買咗佢，以後著完一日高踭鞋用一用隻腳就舒服哂！多謝老公！
之後就去Megabox行街，好想去好耐，但係因為之前實在太多人，我地係特登請假去行吓嘅。但係去到都唔少人，見到有Ｄ婆婆公公團，好得意！其實Megabox唔係幾好行，每一層嘅面積都分哂比Ｄ舖頭，結果商場可以用嘅位置就唔係好多，要轉好多次escalator先到我地想到嘅地方，我地次次都miss咗賣兒童用品嗰層，好彩冇嘢要係嗰度買，如果唔係一定行到發脾氣！
我地去咗睇變型金鋼，好好睇，２個鐘頭多Ｄ完全冇悶場，好抵睇，好耐都冇睇過一套之前冇expectation但出嚟係好ＯＫ嘅戲，但係Megabox嘅戲院就好唔得，我地買咗３號映院，好細，得８行，我地坐第７行，但係都要"urg"高少少個頭睇，睇完個頭都緊哂...
之後去咗woodstone食嘢仲大鑊，嘢又唔好食，隔離枱Ｄ單撈亂哂，勁好笑，以後都唔會去食咖！
