好想知道點...

近呢一個星期不停咁睇有關賢重嗰單去咗全斗煥生日會嘅新聞，睇到自己好唔開心，好想快Ｄ完結。又見到全世界嘅TS都咁支持佢，又留言又聯盟比壓力DSP。。。但係我都係覺得要低調Ｄ好，慢慢人就會忘記；宜家佢地咁整，雖然有可能可以還賢重一個公道，但搞大佢其實對大家都唔好。我相信賢重宜家係處於一個兩難的狀況。。。

好耐都未試過咁咪偶像啦，仲要係一個差唔多細我10年嘅男孩子。。。自己都覺得有Ｄ古怪！記得我上次好似咁樣迷偶像時要去到黎明時代。記得以前我日日去嗰間唱片舖問黎明盒cassettee出咗未，等咗好耐終於有得買，好開心！估唔到10幾年後宜家迷DS同賢重仲厲害過以前？！真係癲咗喇。。。

為咗想睇返佢地以前點樣開心，有幾活力！我將成個Step Up Concert 放咗係自己個BLOG左手邊，見到佢地以前個個都好年輕，好有活力！重溫吓啦！

唔好話我癲。。。

哈哈。。。第四次喇！
睇第四次先終於明白點解Ji Hoo要同Jandi講因為Jandi佢可以忘記佢嘅初戀，我終於都明喇！！
之前睇３次睇極都唔明。。。真好！！

一呼百應！

真係感受到ＴＳ嘅厲害！
賢重因為在１８號跟社長去了全斗煥個生日會一陣，就軒起一場咁大的風波。。。
佢在官網的留言的確令到好多ＴＳ擔心。就是因為佢一向的性格都是單純得可愛，唔做作，掉了錢包轉頭就無事的人，就係呢一件事令佢好唔開心，個個ＴＳ都想為佢平反。。。無論在facebook，forum等等，差唔多所有ＴＳ都一呼百應的去支持！希望呢件事快d過去。

就正因呢件事，我就上網揾吓呢個全斗煥有幾哀。原來佢真係好衰，係韓國人心目中真係一個大衰人，唔講咁多，想知自己上wiki揾。希望leader快d無事啦。。。

09年話咁快就過去啦...
睇返年頭set嘅目標：
１. 要在春天時學車
２. 要積極儲錢，盡量將人工2/5儲起
３. 幫灣仔屋企整好個厠所
４. 條件可以的話，養一隻Poodle
５. 時間許可的話，讀一些有關中國法律的課程
一個都做唔到！反而做咗一樣出人意表嘅行動：去咗學韓文！
>.<　>_<　>.<　>_<　>.<　

2009年真係好特別嘅一年！記得08年仲留意緊福山雅治的消息，09年就由日本shift到韓國！
＜　SS501 leader - 金賢重　＞
估唔到真係咁迷戀！真係可以用obsess嚟形容！
由開頭（又係因為生活苦悶）番睇台版流星花園，之後不如就睇埋韓版啦（唔好問我點解唔睇日版，我都唔知點解真係冇initiative去睇）．Oh！之後就一發不可收拾！由開頭唔知點解阿類呢個角色要由一個唔係幾靚仔嘅金賢重做，到慢慢好鍾意智厚前輩（金賢重花樣角色），到知道金賢重係一個咩人，到SS501，到揾反哂佢之前做過嘅綜藝嚟睇，入埋hktriples，買正版CD（好耐都未買過啦！）到捨得用HK$1000睇佢地concert，直到宜家都係不停咁追蹤佢地嘅資料！！
我同 Carmen Lee 仲諗住5月去韓國添！！哈哈哈！

咁下一年有咩大計呢？！
暫時未有定案，想儲多ｄ錢，想快ｄ識講韓文！

p.s.我宜家去supermarket買嘢都成日買韓國貨同食品咖！！