＜我們結婚了＞

知道會完的．．．真係完了．．．
尋晚終於都睇埋＜我們結婚了＞生菜夫婦完結篇，好失落．．．

點解會無端端睇呢個終藝節目呢？！咪又係因為想睇金賢重囉　“^o^”

韓國＜我們結婚了＞係一個真人show節目。這個節目是由兩個明星假扮結婚，一起展開結婚生活為主題。開頭都唔知嗰ｄ係咩韓國明星，但係睇吓睇吓，就完全沉迷咗落去啦．．．

由第一集開始睇，除了金賢重同皇甫（生菜夫婦）外，最鍾意睇的，就是Andy跟Solbi這對couple，因為他們兩人的感覺真的很真實好自然。就是那種從不太熟到慢慢喜歡大家，到互送情侶介指的那種關係並互相關心大家屋企人的態度行動，好真呢！睇到網上一些有關節目的訪問，說他們做呢個節目都係冇劇本的，所有演員都係知道每一次有一個mission要完成而自發性的去演，各演員真的是用心去做呢！究竟係咪真的沒有劇本呢？！一路睇一路都覺得他們好像真的戀愛了呢！

金賢重同皇甫呢對生菜夫婦，係熟女與年下男的組合，女大男六歲。開頭睇時真的十分搞笑，金賢重一貫嘅四次元風格，令所有當中的演員都哭笑不得！因為金賢重要拍花樣的關係，唔可以繼續＜我們結婚了＞一星期兩日嘅拍攝．睇到最後，佢地終於要分開喇．經過差唔多８個月每星期兩天的相處（仲多過現時拍拖嘅人！），感情加深啦，睇到佢地分開真係好唔捨得．．．

不過想深一層，如果金賢重唔係拍咗花樣，就冇宜家咁紅，就冇人會睇返佢以前拍過嘅所有嘢．佢揀拍花樣係正確嘅！！

金賢重 - Be nice to me please

Facebook 嘅力量真係好大．．．

今朝早Update咗我個status，打哂朋友牌要為我阿公祈禱。
我返到公司一開email，就見到有好多朋友覆我個status，叫我唔洗擔心，又幫我代禱．Facebook嘅力量真係唔可以睇小。
因為阿公尋日做咗一個好急嘅手術之後入咗ICU。
醫生話手術好成功，但發覺佢個肺有ｄ問題，所以要靠插喉呼吸，即係好似ER入面為人急救時用支喉插入氣管一樣．．．諗起都覺得好辛苦。
尋晚因為麻醉藥未過，所以唔知咩情況．醫生要今日先知可唔可以唔插喉，一方面醫生話唔插喉驚阿公呼吸困難，一齊面如果個人清醒又插喉的話就會好辛苦．．．
大家都好擔心，我今日都會快d做哂d嘢收工去探阿公．．．
求主帶領阿公得到正確的醫治。