我真係瘦咗...??

上星期六見到小朱同Uncle Brian，佢地不約而同都話我瘦咗！真係咩？

即刻攞返d相出嚟對一對．．．又好似係噃！！

左手邊係上星期映嘅，右手邊係上年映嘅．．．

Hee hee!!　我真係瘦咗？？

著了魔．．．

我近排已經比 "花樣男子" 迷住咗，睇完台灣版（兩次），再睇韓國版．．．（宜家睇緊第二次）>.< 我仲要顛到download哂套劇ｄ歌放入ipod聽，（雖然我唔知佢唱咩）我都好耐未試過咁瘋狂啦！！！

好似我咁樣冇睇過花樣漫畫淨係睇電視劇嘅人嚟講，Compare台版同韓版，我覺得韓版好睇ｄ，現實ｄ，多劇情過台灣版，而且人物似漫畫多ｄ，又relatively靚仔ｄ，華麗ｄ．．．有可能因為先入為主，睇完台版再睇韓版，覺得韓版ｄ劇情有d jumping，前部份有ｄ劇情好似係因為漫畫有就加落去，唔理上文下理順唔順．．．但係睇到後面就好好多啦．．．而且韓版都幾落本，又去 New Caledonia 拍佢地修學旅行（真係有心型島咖！），又去澳門威尼斯人拍具俊表（道明寺）幫家族生意時嘅情況．．．

韓版嘅具俊表（道明寺）比台灣版嘅較受屋企限制，有可能係韓國文化關係要寫到佢咁，韓版嘅具俊表係冇咁霸道嘅，而且佢對金絲草（杉菜）嘅感情又嚟得好慢．．．但係具俊表對家族生意的負責任，金絲草對目標的追求，韓版係拍得好好多，起碼最後具俊表會用自己嘅能力為家族生意起死回生後先向讀緊醫嘅金絲草求婚．．．另外韓版嘅花澤類（智厚）對絲草嘅付出真係．．．係拍戲先有咖咋！！！

最搞笑就係台版同韓版分別都有一個頭髮好難睇嘅F4成員，台版有好似人造人18號嘅吳建豪（美作），韓版有一個頭髮好似剪咗double cut嘅金賢重（花澤類），好彩之後金賢重剪短咗頭髮（即刻順眼咗！但係喺韓國嚟講，佢地形容金賢重係靚仔到好似雕塑一樣．．．我就唔係好覺嘞！）

上網search好多有關韓版花樣男子嘅資料，睇埋佢地拍攝時嘅NG（真係好搞笑），花絮，訪問等等．．．都唔知自己點解咁顛？！

對於自己鍾意睇嘅戲，我會睇多過一次，好似以前睇 "上帝請給我多一點時間"，"心動"時，我都睇起碼３次以上．我發現每一次反睇都會留意到一d之前miss咗嘅對白/部份，好想好想將自己鍾意嘅戲睇得好清楚同埋記住佢！花樣男子（流星花園）又係一套要記住嘅戲啦！！

包粽！

一向都鍾意整節日食品，今個端午節就決定包粽！
第一次包，不過不失啦！上網學包，個樣都似係一隻粽！
糯米＋綠豆＋一隻咸旦王＋一舊好細嘅豬肉＝咸肉粽！
擰返公司比同事食，個個都話好食呢！hee hee！
下年試吓用另一個方法包先！！