如果我係Laughing姐...

做嘢做到好悶...
忽發其想，如果我係laughing姐，第一時間就係燒舖頭：
1.幫我地裝修嗰間舖頭；
2.華南隔離嗰間Salon；
幫我地新屋裝修嗰個人真係唔掂，乜嘢都整漏，仲要拾佢ｄ手尾，到宜家仲有好多嘢唔得...
上星期六去華南隔離間飛髮舖，同佢講要留長，唔要有layer，淨收髮尾，嗰個所謂嘅Stylist，聾咖... 乜都聽唔到，搞到我宜家ｄ頭髮短哂，剪完真係好想鬧死佢。
呢排真係好嬲...

勁勁暗瘡貼！

以前用過雪完美暗瘡膏，功效好好！但係宜家已經冇出嘞... 咁我就試吓用佢出嘅 "去豆無印神奇貼"，四十幾蚊，功效真係好神奇！裡面total有２４包，每包有兩片，我只係用咗兩晚，粒暗瘡即刻收哂！再用多兩晚，粒暗瘡冇咗啦！！Yeah！！一盒都有排用，一定要介紹比我d朋友同事先！！