痛到入心入肺 - 生蛇

終於知道生蛇係咩... 成日聽人地講生蛇好痛，終於都感受到喇...　都唔知做乜，又唔係冇食嘢，又唔係冇營養，無端端生蛇... 好麻煩...　生咗咁多日，都痛到唔知咩叫痛喇...

好悶哦...

今日星期四，只係喺屋企hea咗３日，已經好悶啦...　又唔出得街，係屋企咩電視汁都撈哂，上網又冇嘢睇，好悶呀...

今日出院啦...

我終於出院喇。瞓咗係醫院咁耐，腰骨都硬哂，又插鹽水，又插尿喉，唔比落床，咁大個女都未試過咁辛苦，我都只係做微創，如果開刀都唔知點算...
浸會醫院新翼都幾先進，有獨立電視，自動升降床，窗口位，周圍床位嘅女病人又ＯＫ，護士又唔係太惡，大房都係得四張床位，好寬敞呢！
不過宜家返到屋企嘅動作係好慢嘅，又唔笑得又唔咳得，好多嘢都忍住，聽個電話都慢Ｄ嘅，成日有miss call，希望快Ｄ好返，行得走得啦...

等等等...

呢個世界有時真係好考我地嘅耐性！今晚同爹哋去華潤好彩食飯慶祝６０歲生日，我地都知嗰度會封路，點知我地走嘅時候啱啱開始放煙花，我地架車又泊咗喺華潤，咁我地就要等等等到ｄ人散哂先可以去攞車走人，返到屋企都十點八。
有時都好唔明白香港警察點封路，我地攞咗車之後都要等佢分流先走到，成日都係咁，下次寧願泊遠ｄ行去攞車仲快！