真係離譜，公司竟然有曱甴，仲要係我個位發現．．．我第一時間向公司負責嘅同事投訢。
我個位比起其他同事個位都唔係放咗好多嘢食丫，我又成日用消毒藥水去周圍抹，得閒又用 "BioKill"周圍噴，但係點解偏偏隻曱甴要走去我個位？！仲要隱藏係我個月曆後面，我地尋日唔搞個月曆佢就可以一家大細係後面安安樂樂咁生活？？好離譜．．．
公司宜家肥上瘦下，乜都cut，又冇洗地毯，阿姐吸壓又隔日吸，又改咗朝早先倒垃圾，曱甴梗係第一時間嚟我地公司啦！記得上星期六同Tracy佢地講開曱甴，佢地話曱甴嘅生命力好強，第時世界末日最後滅亡嘅就係曱甴。好討厭＞.＜
今日團契，雖然周會好吸引，但係都唔係好多團友返，只係得大約２０個。之後食晚飯仲只有我，Tracy & 小琳三個，我地過咗一個好開心嘅晚上，乜都傾，傾到成１０點幾先走，連榮興個伙計都走埋嚟問我地有乜咁好傾！講開我有一個水瘤嘅問題，多謝小琳提我，我要感恩，感謝神讓我無端端知道卵巢有一個水瘤，係仲未惡性嘅時候去揾多幾個醫生check；而且教堂有好幾個姊妹亦做過這類型手術，問一問佢地嘅意見我再去做決定。
今日當我返屋企嘅時候，心裡面一直都哼著 "袮是愛"這首歌。神的愛真係好特別咖，佢嘅安排同帶領真係我地意想不到嘅，我知道神點樣佢都會有佢嘅帶領，雖然係有ｄ擔心，但我對神亦有無比嘅信心，感謝神！！
