不經不覺

不經不覺，原來已經喺呢間公司做咗一年多Ｄ，我諗連我老細都唔記得！呢一年喺呢間公司都唔算太壞，人工亦都加得唔錯，最緊要就係經歷神嘅帶領。回想起當時喺公司嘅變動中的確十分平安，完完全全將一切的事交上，一Ｄ都冇擔心，結果居然係比之前還好，又有邊個會估到呢！
宜家，只係一心一意想將工作做好，另一方面繼續讀好自己嘅書，向住Six Sigma BlackBelt進發！Ｙｏ！^v^

周身骨痛．．．

今朝起身都冇事，點知刷完牙之後開始成身都好痛．．．條脛，腰，背脊都好痛 好痛 好痛．．．連擰頭都唔得，要用個身就住條脛，成個機械人咁，今晚做完massage希望好Ｄ啦。

新 Link

今日喺公司悶悶地，上咗Metro個網頁睇報紙，一路睇，睇埋Metropop。平時如果有機會星期四搭地鐡，都會攞一份Metropop睇吓，雖然裡面好多廣告，但不乏一Ｄ得意嘢。今日揭吓揭吓，又比我見到以前係英國讀書嘅朋友～４號John～又拍廣告嘞，好奇心之下就睇吓呢個係咩廣告啦．．．係一個叫SoFree.net的網頁。咁當然上去睇吓呢個係咩網站啦．．．^.^
原來係一個廣播網站，今年年頭由基督徒去建立嘅，當中有不同人不同型式嘅訪問，分享．．．click吓click吓都幾好睇，有好多唔同演員嘅訪問．．．我會諗，佢地會唔會都係基督徒呢？
睇吓睇吓．．．都係快Ｄ做嘢嘞 ^_^

Ｃｏｏｋｉｎｇ ＭＡＭＡ

星期六團契搞烹飪比賽，因為溏心風暴呢排咁紅嘅關係，我地組就煮咗鮑魚，海參．．．當然只得＄１００Budget的情況下，我地嗰Ｄ就係齋鮑魚同齋海參嘞！我地仲自篇自導自演一節溏心風暴的劇情，哈哈，笑爆咀*v*咁樣都幾好玩，雖然要預備好多嘢，大家都煮得好開心，見到大家嘅合作精神，連好耐冇返團契嘅團友都有返，亦比新團友見到我地團契嘅活力同融洽．最緊要都係大家煮嘅嘢係食得落肚嘅，而且仲幾好食添^v^

終於都病好啦．．．

病咗３個禮拜，終於都病好啦．．．雖然喉嚨仲有少少嘢阻住，但係總好過之前好好多．．．Touch wood ～ 好彩冇惹到比老公，如果兩個人一齊病就大鑊啦．．．

好病．．．>_<

都唔知咩事，今次病咗好耐，成個禮拜都未好，睇仁安都睇咗兩次，以前次次睇一次就好返，今次睇兩次都好唔到．．．今晚去浸會睇中醫，希望好Ｄ啦．．．呢排又冇胃口，又瞓得唔好，仲要趕功課，就嚟死啦　>.<　日日早午晚都咳到癲咗，好辛苦．．．