同嫲嫲食飯

終於有時間同嫲嫲出街食飯，我地去咗美利堅食川菜。嘩！尋日實在好大雨，好彩到夜晚就冇雨，可以唔洗咁"lei hei"！嫲嫲都食得好開心，我地叫咗Ｄ佢平時好少機會食到嘅，大家都食到好飽，變哂肥仔肥妹！
成日都因為好忙，又要返學，陪唔到嫲嫲食飯，今次有機會就要好好咁食一餐好嘅。
眼見身邊嘅老人家身體越來越差，都要盡量抽時間陪多Ｄ佢地先得。

又病啦...

都唔知點解，又病啦．．．

自從返咗ＵＰＳ呢份工之後，病的次數真係多到前所未有．．．又請咗好多病假，好慘．．．

唔知係咪因為我返學嘅關係，食無定時，又無乜營養，又要做功課搞到夜瞓，先搞到個體格差咗．．．抑或係老細個風水陣呢？？！！我都擺返一個先，哈哈．．．

新髮型

長頭髮實在留咗好多年，卷髮亦keep咗好耐；把心一橫，尋日假期，去髮型屋將頭髮剪走一半，整埋負離子，變咗又短又直，好爽　^o^ 因為自己面型的關係，髮型唔係個個好睇。尋日個髮型師一路剪一路話好大鑊，因為由長髮到短髮，原有嘅layers都會剪唒，佢要慢慢幫我剪返個髮型，我一坐就坐咗５個鐘．．．搞到我又做唔成功課．．．
不過都好，換吓新形象，頭髮短咗直咗，即刻個樣都細個咗 ^v^！！Comments係好壞參半，個面好似肥咗，但係就好清爽，唔洗成日都搞好耐先出到門口．．．返工都早Ｄ！！

抒發．．．

考試成績終於都出咗啦。等咗成個幾月，終於都收到email，好彩最擔心嗰一科都攞個Ｃ！其實攞咩grade真係唔緊要，最緊要就係合格，可以係政府度claim返CEF！宜家讀書真係好貴，唔讀又唔得，呢個都唔知咩世界？！
尋日同個的士司機講開，佢都話呢個世界變到"立立"亂，有乜理由存錢入銀行而銀行要收我地小市民Ｄ手續費丫，riduculous！ 近來新聞又有"馬力的六四無屠城"，又有"中大嘅不文刊物"，又有千四人投拆"聖經不雅"．．．某程度上我覺得事件係有巧合嘅，但係點解宜家Ｄ人發表之前唔諗清楚後果或者用吓個腦先講呢？！
有時真係好有末世的感覺，現在好多嘅天災人禍喺聖經啟示錄都有講到，又害怕耶穌再臨時自己未prepare好，未做好自己本份．．．真係要加油啦．．．

洲際Buffet

上星期二，同阿媽阿爸＆老公去咗洲際食Buffet，順便慶祝埋媽媽節＆爸爸節。成日聽人地講洲際嘅Buffet係超班，好好食，但係去到又覺得不外如是，只係Ｄ海鮮好新鮮，好多，不停refill，其他Ｄ熱食同甜品只係一般．．．我地個個都係食海鮮食飽咗，其他嘅都係食得少少．．．
真係估唔到一去到比我嘅感覺得．．好嘈！話唒都係一間６星級酒店，個Buffet又咁貴，李克勤又係嗰度擺酒，大律師又揀嗰度擺酒，嘩～一落到去，好多人，驚死冇得食咁，好多好多人去攞嘢食，又要排隊．．．我心諗，唔係啩！？睇真Ｄ，唔係自由行喎，係HKnese嚟咖喎，乜宜家香港人去食Buffet仲會搶嘢食咖咩？！定話係喺九龍食同香港食有Ｄ唔同呢？以前去文華&Grant Hyatt嘅feel係完全唔同咖．．．我去一次好啦，都唔會再去，好彩我問朋友借咗張咭可以平一個，如果唔係就好唔抵．．．
不過都好，雖然係咁，爹哋媽咪都食得好開心，ＯＫ啦！

超級感謝神

真係要十個感謝主，主知道我嘅需要，知道我嘅不足．．．
剛剛從老細口中得知我將會加人工嘅％，雖然要到月尾先知真定假，但係我真係急不及待的要去感謝主 ^v^　天父哦，祢係咪叫我好停止揾工？好好的留喺呢間公司裡面做？祢宜家比我嘅就係超越我所要求嘅，祢再一次肯定我所擁有的都是喺祢手中，祢可以比我更多，亦可將一切收回．．．更加肯定我之前決定要做嘅十一奉獻係你所看顧的。
感謝天父，恨不得立即唱詩歌讚美主。真的感謝主～～　^o^