Wow！！勁亂，勁surprise．．．

你知嗎，今日下午，我老細同我講佢已經resign咗．．．我的反應係：冇反應。我只係答咗一句：唔係掛？（好明顯我扮嘢啦！以前做慣sales，識得冇時冇刻都隱藏自己的感覺）我第一時間梗係關心將來我的新老細係邊個啦．．．佢唔講！點 "chok"佢都唔講。問佢將來去邊間做？佢當然都唔講啦．．．不過呢行實在太細啦，自己老公又係做呢行，Ｄ friend又係做呢行，轉個頭就通哂天啦．．．我同佢講：呢行咁細，好快就知咖啦 ～ 佢即刻答我：係啦，第時有可能會打電話比我：Hullian幫幫手丫！！咁我就即刻講：咁即係做 airline啦！！佢笑而不答．．．哈哈！我真係勁，估中咗！！*v*
不過我就有Ｄ擔心，唔知將來個老細係男係女？！係男當然好Ｄ啦，係外面請返嚟就更好啦。宜家部門只係得我地兩個，老細走咗，剩返我一個，雖然係會請人，但係都唔知呢間公司會唔會cut埋呢個部門？！好苦惱．．．老細話有可能係我舊公司有個人轉過嚟，我心諗，我做過３間公司，間間都有可能，咁係邊間先？真係麻煩 >.<　喺公司，我係 overseas 嘅伯伯同叔叔殺手，佢地好鍾意打電話嚟同我傾偈，但係已經全部都resign哂 loo．．．收唔到Ｄ內幕消息tim．．．
真係要好好禱告：求天父比我一份穩定Ｄ的工作，唔洗我憂柴憂米．尋日先叫自己好好反醒不要為明天憂慮，但係今日就做唔到 loo...

羅得的妻子

尋晚靈修，睇到羅得的妻子，即時想到現在的自己．．．
當時，因為所多瑪和蛾摩拉城內罪惡的聲音在耶和華面前甚大，耶和華差天使去，要毀滅這地方。羅得放棄哂一切擁有的財富，地位，帶住妻子和兩個女兒跟隨天使的指示逃到瑣珥城，天使們千叮萬囑叫他們"不可回頭看，也不可在平原站住，要往山上逃跑，免得你被剿滅。"　但係當逃走的時候，羅得的妻子在後邊回頭一看，就變成了一根鹽柱。
呢個故事再一次的提醒我要對神有信心。諗返起自己在DHL揾工的時候，求天父賜我一份更好pay，更適合我做，更合神心意的工，結果我就入咗UPS做。開頭都覺得Ｄ工種唔啱，同我expect嘅有出入，但點知過了半年後，因為公司的重組，我宜家做緊嘅就係我之前expect嘅。天父有天父的時間，我地唔需要心急，再一次讓我知道對神要有肯定的信心。
呢個世界好現實，尤其是香港，銀包裡面一定要有幾百蚊先會出街。又有可能自己係獨女的關係，一切都係靠自己，無人會幫到我，錢對我嚟講真係好重要。耶穌說： "一 個 人 不 能 事 奉 兩 個 主 ．不 是 惡 這 個 愛 那 個 、就 是 重 這 個 輕 那 個 ．你 們 不 能 又 事 奉　神、又 事 奉 瑪 門。〔 瑪 門 是 財 利 的 意 思 〕"．．．所 以 不 要 憂 慮 、說 、喫 甚 麼 、喝 甚 麼 、穿 甚 麼 。這 都 是 外 邦 人 所 求 的 ．你 們 需 用 的 這 一 切 東 西 、你 們 的 天 父 是 知 道 的 。你 們 要 先 求 他 的 國 、和 他 的 義 這 些 東 西 都 要 加 給 你 們 了 。所 以 不 要 為 明 天 憂 慮 ． 因 為 明 天 自 有 明 天 的 憂 慮 ． 一 天 的 難 處 一 天 當 就 夠 了 。(太６：２４，３２－３４）
其實，我都有不停的提醒自己天父給我們的供應係充足的，我地唔需要為到日常的生活去擔憂，只需要一心一意的事奉神就可以；但係點解我地Ｄ世人無時無刻都被自己的將來困擾呢？上帝無話過我地可以坐係度唔做嘢就得，聖經都有話我地要用盡上帝賜比我地的恩賜去榮神益人，我真係要慢慢去adjust自己的心態。
我就好似羅得的妻子一樣，留戀財富，一次又一次的犯罪，得罪神；神一次又一次的原諒我。多謝主。我唔想將來自己變做鹽柱後才後悔。

至尊漢堡

上星期日晚餐特登去MCD買咗個至尊漢堡食．．．諗住告白賣到咁行都應該有返咁上下．．．點知．．．點解個包無味嘅？？我指無味係因為塊牛肉無肉味，芝士無芝士味，Ｄ醬無醬味．．．．早知買個魚柳包都無咁嬲．．．食完都唔知自己食咗Ｄ咩落肚？！就好似上次去TST金鳳食扒一樣，塊扒比佢地搞到好似一塊布，"鞋"之中又好易咬開，又無味，都唔知自己食緊Ｄ乜！！
或者宜家自己食嘢挑剔咗，次次食漢堡包都prefer去Triple' O，雖然係貴Ｄ，但係真幾好味，又唔係成日食，咁當然要揾Ｄ好Ｄ嘅嚟食啦．．．下次一定要試吓星街嗰間食Burger嘅，我Ｄ朋友話平過Triple'O，又好食Ｄ，次次去到都見到Ｄ人排到出門口，都費事入去．．．下次人少Ｄ一定要試吓！！

工作的態度

近年來，發現在自己工作上越來越恨．．．可唔可以咁講呢？！抑或係唔理人感受 or 太有自己原則？！好似今日，我搬去最後一個位，有咩特別？係因為隔離行遲Ｄ會搬過嚟，而又有一個人係prefer坐最後一個位的。當我早上搬緊的時候，佢問我知唔知佢地會遲Ｄ搬埋過嚟同一行，咁佢嘅意思就即係佢預咗坐最後一個位啦，但係我冇理佢，照搬。我之前同我老細講我要搬位，我老細亦都問過佢老細O唔OK，confirm it is OKed. So佢地冇溝通唔係我嘅問題。我會繼續坐呢個位，除非我老細叫我搬返上前面啦。>.<

唔同哂．．．

今日返工唔同哂！因為淨返我一個係９樓．．．我之前friend低的同事都搬哂落８樓，搞到我鬼咁悶．．．成行得返我一個．．．想傾吓都唔知揾邊個．．．雖然好多嘢做．．．but 好悶呀　＊＿＊

見工２

今朝早打電話去decline咗份工，經過考慮＋朋友的意見，都係唔走住．．．
（１）宜家份工唔係非要走不可
（２）嗰份工冇令到我一定要做
（３）嗰份工又唔係我真正想要的工種
（４）宜家讀緊quality mgt，都係想揾Ｄ有關的工作
總之，唔走住，未揾到一份真係好想做的工．．．

見工

尋日請咗一日假去見咗兩份工！抱住好大期望咁去見第一份，因為係一間出名好名貴的日本珍珠公司做ALM，諗住呢間公司賣嘅product咁valuable，公司環境都應該好好啦，點知一去到，環境仲差過existing間公司，厠所係要走出去出面嗰Ｄ，而且好舊．．．very disappointed．．．好啦，in啦，估唔到嘅係佢要一個ALM帶貨過SZX關，好似走私走水貨咁，有冇再驚Ｄ呀？？咁大間公司，歷史咁悠久，宜家仲用Ｄ咁嘅方法去運貨？！證明呢間公司好慳皮啦，又或者係一Ｄ外交問題都未定．．．總之係搞笑啦　^o^　比多多錢我都唔去做啦，走１００次比海關捉到一次都驚餐死．．．第二份工都幾好，但係佢地認為我的experience唔夠，所以offer我另外一個低Ｄ嘅post．．．做嘅嘢係以前sales support的工作，我有hesitate．．．究竟我想唔想返轉頭做返sales相類似的工作呢？但係嗰間公司的benefit & package好Ｄ，at least一入去就有１５日大假，好過呢度淨返１０日，但係就要返alternative SAT．．．究竟邊度好Ｄ呢？我自己都唔係好清楚．．．"＿"

整muffin

呢幾日終於用個新焗爐去焗muffin，一個咸一個甜，成績都幾好．．．但係豹豹唔欣賞 *~*
Ｍuffin始終都係甜嘅好味，咸嘅就有似有Ｄ麵包與蛋糕之間的mixture一樣，有Ｄ怪．．．
下次我會整麵包布丁，因為豹豹鐘意食！！

ＡＩＡ環球嘉年華 *v*

終於都去咗環球嘉年華！之前我同事講佢上次去每個遊戲都要排３個鐘先有得玩，都諗住放棄；但係咁難得我地又就到時間，又有可能係最後一次係天馬艦玩，縱使係落雨，一於都去啦！
去到都唔算好多人，由２點幾玩到７點幾共玩咗５個遊戲，成績都叫唔錯啦。擲哂３０個token都唔中一個公仔．．．好想好想要嗰隻獅子又擲唔到．．．
總括嚟講都叫好玩，HK$150都OK啦！！！

昨天叔公舉殯

昨天叔公舉殯，地點九龍殯儀館。大家放工都去見他一面。回想起之前叔公因中風有事，都冇時間去探佢，只有默默的為他祈禱。其實一直都想揾時間去探，奈何現在已經冇機會．．．
近年來，因為人口老化的問題，身邊有很多朋友的父母都過身，去殯儀館的次數亦比以前較多。人就係咁啦，好快就一世，我地要點樣做好一個人，點樣去過我地的生活呢？諗返自己，差不多過咗一半的人生，點解好似．．．唔識講．．．都係咁，冇乜特別？！我想我的下半世係點呢？追求Ｄ乜呢？真係要好好咁諗諗。
自己屋企有好多老人家，相信未來的年月他們都會一個一個咁離開我地，我要點樣先可以將福音帶比佢地呢？我要點樣做呢？求神幫我。

點解公司仲唔摺？

近來公司的氣氛好差，個個都覺得公司唔得，好似annual dinner咁，prospone再prospone．．．Bonus又出得少，所有人的做嘢都係為咗自己的利益而並非為咗公司的。Ｄ老細掛住霸住Ｄ job，但又唔係去做，比我的感覺係好似幫自己掙地盤一樣，淨係識得掙工。至於Ｄ員工，個個都話要揾工，眼見好多人都走咗，其他stations都走咗好多人，連ＨＲ的同事都走，人地話如果ＨＲ的同事都走，咁即係呢間公司都唔係好得．．．我自己都揾緊工．．．估唔到一間咁大的Ｕ記公司搞integration都咁差，相比起以前Ｄ記，實在蚊比同牛比，唔怪得之Ｄ記賺到錢，Ｕ記就連annual dinner嘅budget都要cut．．．做咗喺呢間公司８個月，一心一意諗住都大公司，可以有多Ｄ機會試吓唔同嘅嘢，no la．．．都係靠自己努力Ｄ揾過另外一份工啦．．．~_~

新PDA電話

上星期六終於終於買咗部新電話，仲要有ＰＤＡ功能，無得頂！！之前用嗰部舊的Motorola實在唔掂，成日都Hang機，之後就成日比豹豹話我唔聽佢電話．．．冤枉呀，係部機唔生性jah．．．但係宜家部新電話響的時候又好細聲，搞到我成日都miss call．．．唯有成日擰係手啦 ~~

考完試啦 ~~

終於都考完試啦！

終於可以休息吓啦！
可以玩吓啦！！