苦榮．．．

孤兒仔，流落到谷底．．．
收到風，我老細會被人兜或者掉部門．．．
咁我點算呀？？？？？
求神保守我有平安的心並有安定的工作。

忙到嘔．．．

隻眼好花，一整日都對住Ｄ數字．．．一枱都係嘢．．．好忙．．．好忙．．．

終於都病咗啦．．．

好辛苦．．．好似好耐都未病過，大感冒，又發燒，星期六到今日都未好．．．好辛苦．．．　:(
都係自己衰，做乜鬼食 "熱浪"，仲要一星期之內食兩包，之後喉嚨痛，好自然就會發燒，之後就乜都嚟齊：鼻水，鼻塞，咳．．．．．．
聽日請病假休息吓先！

三代同堂去旅行～～昂平360

星期日8am就要起身，約咗一大班親戚去昂平360玩。當然．．．我同豹豹係撘的士去到青衣站轉東涌線啦＞.＜（ 因為唔知醒 ~）　
太約１１點就上到去昂平，天朗氣清，阿婆阿公都好開心。我地又買 De Dolce，又買魚旦(佛門清淨地竟然有好多肉食？！）好耐都未試過咁啦！　^...^ 行行吓就唔見咗阿婆同阿媽，因為婆婆一枝箭就入咗寶蓮寺拜神，之後當然去寶蓮寺食齋啦。HK$100一位，都幾貴．．．無咩特別好味的，只係碟頭好大，唔食飯都食唔哂Ｄ餸！
之後就去心經簡林，原來行入去都幾遠，"到此一遊"之後就上大佛。
發現自己身體好咗，行咗二百幾級steps都唔係太攰，行咗一陣，走埋入個佛入面又行咗一陣就落山。之後去出面Ｄ舖仔食豆腐花，HK$8一碗，真係搶錢 $_$　不過既然嚟到，都唔掙在嗰幾蚊雞！
之後就開始我地嘅落山行程．．．點解？因為排隊撘落山360的人實在太多啦，排到去靈猴影院 "..."，即係要排太約1Hr+45Mins，Oh.... My God... 好彩，我地只需太約50Mins就排到啦！！Wahahahahah... 　15個人一齊迫埋一car裡面都幾好玩(Max. 17人)，有Ｄ企有Ｄ坐啦。
企係身見到落山時真係有Ｄ離心咖！！好好玩 ＾v＾
之後大家話撘巴士入三聖村食海鮮，好好食，好多，好抵食，下次都可以再去！！ 今次係我地所有孫仔孫女請Ｄ大人一日遊，大家都玩得好開心！！

2007年目標．．．

２００７年嘅目標．．．
好好完成Quality Mgt的課程，之後．．．
儲錢，儲錢，再儲錢．．．
買股票，買屋又買貓買狗．．．
希望自己能夠stick to呢個目標一步一步達成．．．
加油呀！！>_<

結婚一周年

話咁快結咗婚一年，由當初唔開心，好多爭吵 & 唔識兩個人點樣相處－－到現在慢慢習慣兩個人的生活，中間真的要經過好多磨合。我地兩個冇做婚前輔導，而且更是各自各習慣了一個人的生活，突然之間兩個人要住在一起，開頭的確有Ｄ唔慣～～經過一年的時間，兩個人都變得成熟並知道一齊時要點樣！我地已訂下２００７年的目標，我地要盡能力去達到！！
加油！！

Krispy Kcream

星期六慕名去咗食Krispy Kcream，Time Square B2 新開咗一間！叫咗兩個 + 一杯 Latte，埋單HK$48，好貴 $＿$ 食完好飽，又好 "漏"～～ 但係就無外邊Ｄ人講得咁好食．．．都好普通 jei．．．特別係嗰個有 cream inside 嘅，食完真係乜都唔洗食，成晚都係飲咗個湯．．．下次去試吓佢其他的款式先，我見有一個 strawberry shortcake味好多人買．．．豹豹實好鍾意食！！