好忙的假期．．．

今個聖誕節真係好忙，２３號有醫院服侍，２４號有兒童祝誕，２５號有Bowling & BBQ，２６號要做姊妹．．．好忙～好似４日都冇休息過．．．豹豹仲慘～佢要返工，間屋好似打仗咁！！
１月１日個week真係要好好休息吓．．．

今年的聖誕禮物

上星期同公司Ｄ同事互相送禮物，好開心，收到的禮物都係好鍾意嘅：有Ｍ＆Ｍ，Royce 朱古力，L'occitane的禮合。而我就係 city super 買咗罐頭植物比佢地種，佢地話諗住係公司種，唔知呢間"咁"嘅公司比唔比呢？！

22號做冬食和牛

22號同豹豹係屋企做冬，去咗西田買牛排。西田的 supermarket 裝修完之後都唔知Ｄ嘢擺哂去邊，行嚟行去先揾到想買嘅嘢！買咗兩塊和牛排（要成三百幾蚊咖，好貴呀！）返屋企煎咗嚟食。真係一分錢一分貨，入口即融咖 ＾。＾ 好好味 ～ 仲開支紅酒飲 ～ Wow！好味！！
但係今次煎得太生，好似五成熟咁，下次可以煎耐少少．．． 仲有紅蘿蔔同大白菜做伴碟，Good Good Good！！

"百無"的公司

我未試過一間公司係無Annual Dinner，even NO Annual Lunch！！
因為公司cut budget的問題，又逼我地簽自動減假信，美其名係話有得揀返五日or五日半，其實目的就係想扣員工的Annual Leave。又話employment contract原本係返五日半，宜家返五日只係trial period，但係都trial咗一年．．．
呢間公司都唔知係唔係路嘅，個個同事都諗住過埋年就走，另外一Ｄ就驚隨時無得做，難怪D turnover咁高啦！！"__"

好慘呀．．．

本來約咗同事出去食飯，點知開con-call開到１：３０PM．．．唯有自己食杯麵 loo．．．

手術費返哂嚟！！

今日 check email，我 claim ＡＩＡ 的手術費終於搞掂。好開心~.~
戶口多返Ｄ錢，下期學費唔洗愁 loo．．．

係公司忙到死～～～

每年的１２月，都係ＲＦＱ最忙的時間，Ｄ嘢又趕又多，Overseas又吹，隔離部門又吹．．．日日做到唔停手！！整張枱都係Files．．．仲要比個印度同事煩住，成日問埋Ｄ低能問題，明明Email已經寫得好清楚，仲要問？！同呢Ｄ Overseas同事做嘢好難搞，蠢到死又阻住哂。好忙呀呀呀呀呀！！

今年最後一次家會

上星期六去咗食韓國燒，都有好幾年無食過啦！估唔到宜家的韓國燒係咁旺場咖？！規定只可食個半鐘，搞到我地拿拿聲食哂Ｄ嘢．．．之後我地又去咗Times Square食Haagen-Dazs，好滿足*~*但係成日咁食，想減肥都幾難．．．
Helen話出年佢做團契的程序，我地一定會支持佢咖～～Yeah~~